Вітаю на маім афіцыйным YouTube-канале! Тут я дзялюся з вамі сваёй творчасьцю: песьнямі, вершамі, развагамі, жывымі выступамі ды інтэрвію. Гэта месца для тых, хто шукае шчырую музыку й паэзію. Падпісвайцеся, каб не прапусьціць нічога новага і заставацца на сувязі! Пра мяне: IIlla Falažynski (Ільля Фаляжынскі) – беларускі аўтар-выканаўца і мастак з Варшавы. Стаў вядомы ў 2015 годзе дзякуючы песьні «Зялёная гарбата». Аўтар альбомаў «Схавацца ў туман» (2016) і «Navobmacak» (2019), EP «Ci voźmieš mianie?» (2017), намінант прэміі «Адкрыцьцё году» паводле парталу Tuzinfm.by. У 2023 годзе ўзяў удзел у міжнародным трыб’юце Марку Болану з песьняй «Dziŭnaje žyćcio» («Life is Strange»), якая выйшла на афіцыйным рэлізе брытанскага лэйблу Easy Action. 20 верасня 2025 году, у свой дзень народзінаў, прэзэнтаваў новы сінгл «Kudy ty idzieš?», а 13 кастрычніка, у дзень нараджэньня беларускага мастака Язэпа Драздовіча, – песьню «Drazdovič» на словы Альгерда Бахарэвіча.