Гэтым разам хачу з вамі падзяліцца кавэрам на песьню Алеся Папковіча з гурту "Dzie-Ja?", якога зьбілі падчас затрыманьня, несправядліва асудзілі і незаконна пакаралі ў Беларусі. Алесь быў затрыманы разам з братам Янам 2 верасьня 2022 году групай Альфа напярэдадні заплянаванага ад'езду ў Польшчу. Сілавікі адразу запыталі, ці напраўду ён зьбіраецца зьяжджаць, а калі атрымалі станоўчы адказ - моцна зьбілі ў прысутнасьці бацькоў. Алесю выставілі абвінавачваньне паводле артыкулу 342 Крымінальнага кодэксу (Актыўны ўдзел у групавых дзеяньнях, якія груба парушаюць грамадзкі парадак) за ўдзел у адным з Маршаў пратэсту ў 2020 годзе. Справу Алеся пачалі разглядаць 5 сьнежня 2022 году у судзе Заводзкага раёну Мінску. Судьдзя Дзьмітрый Астапенка прызначыў хлопцу два гады зьняволення ў калёніі ва ўмовах агульнага рэжыму, якія ён адбывае ў ПК №3 у пасёлку Віцьба. Падрабязьней пра гісторыю Алеся можна прачытаць тут: - https://prisoners.spring96.org/be/person/ales-papkovicz - https://mediazona.by/translate/2022/09/14/inkassator_bel - https://belsat.eu/news/30-04-2023-z-siza-peradau-hachu-kab-belarusy-pachuli-mae-pesni-pra-palitvyaznya-muzyku-raspavyadae-yagony-brat А па гэтых спасылках можна паслухаць музыку Алеся і падпісацца на ягоныя старонкі: - https://www.youtube.com/@AlesPapkovich - https://soundcloud.com/ales-papkovich