Сёння, 28 ліпеня, адбудзецца Агульнае пасяджэнне Каардынацыйнай Рады IV склікання. На пасяджэнні будуць разгледжаны чатыры асноўныя пытанні: стварэнне Міжнароднай камісіі Каардынацыйнай рады, праект рэзалюцыі «Аб Круглым стале па пераадоленні палітычнага крызісу і ўмацаванні незалежнасці Рэспублікі Беларусь», стварэнне Камісіі па рэформах і падтрымцы пераходнага перыяду, а таксама стварэнне Камісіі па этыцы. Падчас эфіру плануецца абмеркаваць прапанаваныя рашэнні, магчымыя змены, якія можа прынесці рэзалюцыя аб Круглым стале, а таксама патрэбу ў новых камісіях для Каардынацыйнай Рады. Таксама будзе разгледжана, ці атрымаюць гэтыя ініцыятывы падтрымку большасці дэлегатаў.