Святлана Ціханоўская заклікала ўсіх беларусаў, якія цяпер знаходзяцца ў фізічнай бяспецы, выйсці на акцыі 26 красавіка ў дзень Чарнобыльскай трагедыі ў сваім горадзе. Дыктатары збіраюцца размясціць у Беларусі расійскую ядзерную зброю, таму неабходна гучна і публічна заявіць, што беларусы супраць яе. Вялікія акцыі ўжо запланаваныя ў Вільні і Варшаве, але кожны можа арганізаваць акцыю ў сваім горадзе. Заклік адрасаваны палітыкам, актывістам, журналістам, прадпрымальнікам, айцішнікам, студэнтам і пенсіянерам.