Артыкул 411 Крымінальнага кодэкса Беларусі дазваляе ператвараць ужо адбыты прысуд у новы тэрмін зняволення за «злоснае непадпарадкаванне патрабаванням адміністрацыі папраўчай установы». На практыцы любая дысцыплінарная правіна ў калоніі можа стаць падставай для новага крымінальнага тэрміну. Улады актыўна выкарыстоўваюць гэты артыкул супраць палітзняволеных, што прывяло да падоўжання тэрмінаў больш як 80 палітвязням. Праваабаронцы, былыя палітвязні і грамадскія актывісты выступаюць за адмену гэтага артыкула, бо ён стварае магчымасць для бясконцага падаўжэння зняволення.