У Варшаве прайшла дыяспаральная Канферэнцыя беларусаў і беларусак замежжа, дзе завяршыліся выбары ў Каардынацыйную раду. Удзельнікі абмяркоўвалі праблемы і выклікі, з якімі сутыкаюцца беларусы ў эміграцыі, а таксама спадзяванні на дапамогу з боку дэмсіл і дыяспаральных ініцыятыў. Асобная ўвага была нададзена пытанням легалізацыі і адкрыцця банкаўскіх рахункаў, якія застаюцца актуальнымі на працягу многіх гадоў. У эфіры Еўрарадыё прадстаўніцы Народнага консульства Беларусі ў Ніцы і Народнай амбасады Беларусі ў Італіі адказваюць на пытанні пра дыяспаральнае жыццё за межамі Варшавы і Вільні, а таксама пра ўплыў дэмсіл на жыццё беларусаў у розных краінах.