«Ну не баімся мы людзей з інфарктамі, не баімся?» — пытаецца Кірыл Жаранкоў. А вось пра псыхічныя захворваньні ў Беларусі ўсё яшчэ рэдка кажуць, бо пабойваюцца гэтых тэмаў. Свабода паразмаўляла са спэцыялістам у галіне псыхічнага здароўя: пра нацыянальную асаблівасьць беларусаў, статыстыку па псыхічных захворваньнях, а таксама пра тое, чаму важна групавацца і размаўляць пра свае праблемы. І нават атрымалі хатняе заданьне, якое можа дапамагчы зьменшыць узровень трывогі ці атрымаць карысную для псыхічнага здароўя перазагрузку.