Хацеў скончыць жыцьцё самагубствам, усур’ёз зьбіраўся ратаваць ільва з заапарку і купляў квіткі ў Кітай, а за яго маліліся, каб выгнаць дэманаў. Як жывецца беларусу, у якога псыхічнае захворваньне: біпалярны афэктыўны разлад. Павал зь дзяцінства адчуваў, што яго настрой моцна скача то ўверх, то ўніз. Ад моцнай дэпрэсіі, калі немагчыма нават устаць з ложка, да жыцьця, напоўненага фарбамі і энэргіяй, калі любая авантура здаецца пад сілу. Людзі навокал папросту казалі яму не зьвяртаць увагі, «табе трэба разьвеяцца», «хадзем вып’ем, і ўсё пройдзе», і нават «ва ўсіх так бывае, то дрэнны, то добры настрой». Аднак пасьля моцнай дэпрэсіі на апошнім курсе ўнівэрсытэту, калі ён ня мог нават падняцца з ложка і напісаў апошнюю перадсьмяротную цыдулку, ён зразумеў, што трэба разьбірацца і спрабаваць шукаць адказ. Празь некалькі гадоў, калі Павал ужо працаваў у школе, псыхіятар патлумачыў, што ягоны стан падобны да біпалярнага афэктыўнага разладу і патрэбна стацыянарнае лячэньне ў псыхіятрычнай лякарні. Але асэнсаваньне, што гэта за хвароба і як зь ёю жыць, прыйшло не адразу. Ужо пасьля таго, як сьвятар у мястэчку, дзе ён працаваў, спрабаваў выгнаць зь яго бесаў. Пасьля таго, як ён ледзь ня зьехаў у Кітай і нават усур’ёз ішоў ратаваць з заапарку ільва. А таксама пачаў стала прымаць лекі, наведваць псыхіятра і цалкам зьмяніў свой лад жыцьця. Цяпер Павал жыве строга па раскладзе, кладзецца спаць у адзін час, абавязкова нагружае сябе фізычнымі практыкаваньнямі, вядзе дзёньнік свайго настрою. А таксама працуе фрылансэрам і займаецца суполкай «Укантакце», якая дапамагае іншым людзям зь біпалярным разладам. Ён адзін з 60 мільёнаў у сьвеце, хто пакутуе на біпалярны афэктыўны разлад. Праект «Партрэт» — гэта адкрытыя творчыя сэсіі, дзе мастакі і мастачкі малююць партрэт галоўнага героя сустрэчы — чалавека з псыхічным разладам. Той, у сваю чаргу, дзеліцца гісторыяй свайго жыцьця. Праект арганізаваны менскім клюбным домам «адкрытая душа» (https://imenamag.by/projects/clubhouse), пры падтрымцы культурнага хаба «ok16» і інфармацыйным партнэрстве Радыё Свабода Навіны без цэнзуры, рэпартажы - штодня новыя відэа. Падпішыся на наш канал, каб быць першым http://bit.ly/SVABODA і не забудзься паставіць званочак! *** Хотел покончить жизнь самоубийством, всерьез собирался спасать льва из зоопарка и покупал билеты в Китай, а за него молились, чтобы изгнать демонов. Как живется белорусу, у которого психическое заболевание: биполярное аффективное расстройство. Новости без цензуры, репортажи - ежедневно новые видео. Подпишись на наш канал, чтобы быть первым http://bit.ly/SVABODA и не забудь поставить колокольчик!