25 сакавіка 2026 года на Лукішскай плошчы Вільні беларусы адзначылі Дзень Волі — узгадалі стварэнне сваёй першай дзяржавы, Беларускай народнай рэспублікі, і выказалі падтрымку вольнай і незалежнай Беларусі. Падчас мітынгу прагучалі відэазвароты Івонкі Сурвілы і Святланы Ціханоўскай, выступілі з прамовамі Павал Севярынец і дэпутаты Сейму Літвы Жыльвінас Павільёніс, Томас Томілінас і Руслан Баранавас, прагучалі песні Юрыя Стыльскага. Пасля мітынгу беларусы прайшлі маршам да мемарыяла "Варта Святла", запалілі знічы ля партрэтаў загінуўшых ад рук рэжыма.  Вечар завяршыўся свабодным мікрафонам і  супольным выкананнем гімна "Пагоня".