Аўтары медыя-праектаў “Трызуб і Пагоня” і “Сармат” кампаніі “Будзьма беларусамі” Кацярына Ваданосава, Васіль Калач і Алесь Кіркевіч праводзяць тур па гарадах Польшчы. У рамках гэтага туру яны наведваюць Лодзь, Варшаву, Быдгашч і Кракаў з дыскусіяй-выставай “Гонар і Годнасць”. У час мерапрыемства яны плануюць раскрыць міфы і праўду пра шляхту Вялікага Княства Літоўскага. Удзельнікі будуць абмяркоўваць, што такое шляхта, на якой мове размаўлялі “панове”, а таксама якую спадчыну пакінула па сабе наша шляхта. Таксама будзе разгледжана, чаму рэжым Лукашэнкі ненавідзіць сапраўдную беларускую гісторыю і якім чынам можна адстаяць гістарычную праўду. Жывы эфір будзе з Кацярынай Ваданосавай і Васілём Калачом, якія адказваюць на пытанні слухачоў.