У аўторак 1 снежня а 18:00 сустракаемся на «Творчай кухні» з паэтам і перакладчыкам Андрэем Хадановічам! Андрэй Хадановіч прачытае свае вершы і пераклады, праспявае некалькі песень пад гітару, распавядзе пра выступы на дваровых канцэртах і падзеліцца творчымі планамі. Падчас эфіру можна будзе задаць пытанні ў каментарах. Глядзець эфір можна ў сацсетках Беларускага ПЭНа і “Еўрарадыё”, а таксама на Youtube: . “Творчая кухня” – сумесны праект “Еўрарадыё” і Беларускага ПЭН-цэнтра. Гэта праграма, дзе сябры ПЭНу дзеляцца сваёй творчасцю анлайн: чытаюць вершы, прозу, пераклады, спяваюць, расказваюць пра сваё жыццё падчас пандэміі і падзей у Беларусі, а таксама адказваюць на пытанні гледачоў.