"Караткевіч для ўсіх нас зрабіў значна больш, чым звычайны чалавек..." У наватарскім жанры лаканічных відэа-показак пісьменнік, мастак і сусед Уладзіміра Караткевіча па пад’ездзе Адам Глобус прадставіць вам два адрасы ў Мінску: вуліцу Карла Маркса, 36 і вуліцу Мікалая Чарнышэўскага, 7. Гэта мясціны, дзе жыў і працаваў Уладзімір Караткевіч, калі быў вядомым і ўсенародна любімым беларускім літаратарам. Над экскурсіяй працавалі: у кадры – Адам Глобус сцэнар – Адам Глобус здымкі, мантаж – Уладзімір Каспяровіч музыка – Аляксей Еранькоў афармленне – Анатоль Лазар, Дзмітры Дзмітрыеў каардынацыя – Марыя Мартысевіч Вандроўны фэст Уладзіміра Караткевіча пры падтрымцы адукацыйнай праграмы SOS-Culture, якая ладзіцца ARTONIST, рады прадставіць другую экскурсію праекта "Адрасы Караткевіча". Маршрут, які сёлета распрацоўваўся для жывой сустрэчы з аматарамі вандровак і літаратуры, праз складаныя ўмовы 2020 года ў Беларусі і свеце ажыццявіўся ў онлайн-фармаце. Праект прысвячаецца 90-годдзю класіка беларускай літаратуры ХХ стагоддзя.