Буктрэйлер да кнігі з кароткага спіса прэміі імя Ежы Гедройця 13-га сезона. «На прызбе ў Сілічах», аўтарка Марыя Вайцяшонак, выдавецтва «Пфляўмбаўм», 2023. Літаратурная творчасць Марыі Вайцяшонак трымаецца на сваёй, ужо амаль міфалагічнай, нацыянальнай самасці і старой класічнай традыцыі. Блог-дыялог «На прызбе ў Сілічах» з’явіўся дзякуючы дапамозе Аксаны Ёркінай. Марыя нагаворвала па тэлефоне сваё стаўленне да тых ці іншых актуальных і злабадзённых падзей свайго і грамадскага жыцця, задаючы тэму размовы альбо адказваючы на пытанні каляжанкі. Гэтыя тэксты маюць уражлівую мастацкую аснову як у сюжэтным, так і ў моўна-стылістычным плане. Буктрэйлер створаны творчай кінагрупай з Гданьска і агучаны камандай прафесійных выканаўцаў аўдыявыдавецтваў «Кніжны воз» і «Audiobooks.by». У шасцёрку наймацнейшых удзельнікаў і ўдзельніц сёлетняга сезона літаратурнай прэміі імя Ежы Гедройця ўвайшлі: Кніга «Трэба ўявіць Сізіфа шчаслівым» аўтарства Валянціна Акудовіча, выдавецтва «Логвінаў», 2023. Кніга «Забіць упалмінзага» аўтарства Змітра Бартосіка, «Радыё Свабодная Эўропа / Радыё Свабода», 2022. Кніга «Гарэзлівы пацалунак. Кніга другая» аўтарства Евы Вайтоўскай, выдавецтва «Янушкевіч», 2023. Кніга «На прызбе ў Сілічах» аўтарства Марыі Вайцяшонак, выдавецтва «Пфляўмбаўм», 2023. Кніга «Вольнеры. Прадвесце» аўтарства Валера Гапеева, выдавецтва «Янушкевіч», 2023. Кніга «Час пустазелля» аўтарства Ганны Янкуты, выдавецтва «Янушкевіч», 2023. Як прайшла цырымонія ўручэння прэміі: https://penbelarus.org/2024/11/28/neveragodna-radasna-atrymacz-takuyu-uznagarodu-geta-zh-gedrojcz-fotaspravazdacha-z-czyrymonii.html Анлайн-трансляцыю цырымоніі можна паглядзець тут: https://www.youtube.com/live/lptq3O89l2M?feature=shared Арганізатары прэміі: Беларускі ПЭН і Міжнародны саюз беларускіх пісьменнікаў. Арганізатары цырымоніі ўзнагароджання: Беларускі ПЭН, Беларускае культурнае таварыства «Хатка», Еўрапейскі цэнтр салідарнасці ў Гданьску, Міжнародны саюз беларускіх пісьменнікаў, Польскі ПЭН-клуб. Партнёры падзеі: Аўдыявыдавецтвы «Кніжны воз» і «Audiobooks.by», Euroradio.fm. Праект фінансаваны ў рамках праграмы польскага супрацоўніцтва дзеля развіцця Міністэрства замежных спраў Рэспублікі Польшча. Публікацыя адлюстроўвае выключна аўтарскія погляды і не можа атаясняцца з афіцыйнай пазіцыяй Міністэрства замежных спраў Рэспублікі Польшча.