У Вярхоўнай Радзе Украіны адбылося паседжанне дэпутацкай групы "За дэмакратычную Беларусь", у якім прынялі ўдзел Анатоль Лябедзька, Святлана Шаціліна і Яраслаў Чарнагор. Дэпутаты абмеркавалі планы супрацы на бягучы год і далейшыя перспектывы. Сярод асноўных мерапрыемстваў запланаваны сустрэчы Святланы Ціханоўскай з кіраўніцтвам Вярхоўнай Рады і Камітэтам па міжнародных справах. Таксама будуць разгледжаны заканадаўчыя ініцыятывы, якія датычацца інтэграцыі беларусаў ва Украіне. У планах — патранаж над канкрэтнымі кейсамі беларусаў, форум Астрожскіх і супраца з міжнароднымі арганізацыямі. Асобная ўвага будзе нададзена падрыхтоўцы ПАЗІТЫЎНАЙ АЛЬТЭРНАТЫВЫ і ўдзелу ў нямецка-швейцарскай ініцыятыве Libereko. У 2027 годзе ў Кіеве плануецца правядзенне сустрэчы Альянса дэпутацкіх групаў "За дэмакратычную Беларусь".