15 лістапада 2025 года ў Еўрапейскім цэнтры салідарнасці адбудзецца публічная дыскусія, прысвечаная зборніку «Голас пакалення свабоды». У мерапрыемстве прымуць удзел семяры лаўрэатаў і лаўрэтак прэміі, якія падзеляцца сваімі асабістымі гісторыямі, досведам выгнання і развагамі пра свабоду слова. Сярод удзельнікаў будуць Зоя Белахвосцік, Аляксандр Капуцкі, Аляксандр Класкоўскі, Тамара Мацкевіч, Уладзімір Мацкевіч, Андрэй Завадскі і Наталля Дуліна. Старшыня Беларускага ПЭНа Таццяна Нядбай прадставіць электронную кнігу «Голас пакалення свабоды», якая змяшчае інтэрв’ю з лаўрэатамі. Прэмія была заснавана Беларускім ПЭНам у партнёрстве з некалькімі праваабарончымі і журналісцкімі арганізацыямі і прызначана для асобаў беларускай супольнасці ва ўзросце 60+, якія былі вымушаныя пакінуць краіну пасля 2020 года. Праект фінансуецца ў рамках праграмы польскага супрацоўніцтва дзеля развіцця Міністэрства замежных спраў Рэспублікі Польшча.