Я бачу толькі адзін рэальны шлях да адраджэння беларускай мовы. Гэта мэтанакіраваная дзяржаўная палітыка. Задача вельмі складаная. Большасць беларусаў, у тым ліку і я, расейскамоўныя. Большасць патрыётаў Беларусі - расейскамоўныя. Гэта факт. Калі мы жадаем гэтую праблему вырашыць, нам патрэбны рэсурсы ўсёй краіны. Грамадская супольнасць можа рабіць шмат. Але я бачу розніцу паміж "шмат" і "дастаткова". Бракуе рэсурсаў. Нам патрэбна дзяржаўная палітыка. А яе не можа быць без беларускай дзяржавы. А калі ў нас будзе свая дзяржава трэба будзе карыстацца мазгамі, каб не паўтарыць памылкі 1994 года. Яна каштавала нам зашмат. Мы не маем ніякага маральнага права яе паўтараць. Ніякага.