У галоўных навінах дня: беларускія прадпрыемствы пачалі шыць форму для расійскіх салдат, якія ваююць ва Украіне, а таксама адкрыюць магазін беларускіх тавараў у Грозным; памерла блогер і жонка хакеіста зборнай Беларусі Надзея Мялешка; журналісты Генадзь Мажэйка і Зміцер Семчанка адправяцца ў калонію, а галоўны рэдактар "Рэгіянальнай газеты" стаў падазраваным па крымінальнай справе; у Менску і Гомелі адбыліся падпалы машын; польскія перавозчыкі пратэстуюць супраць беларускіх канкурэнтаў; генерал атрымаў 7 гадоў калоніі і пазбаўленне звання за хабар. Акрамя таго, у новым відэа "Нашай Нівы" расказана пра песню "Калыханка" ад Лявона Вольскага і пра тое, як расійскае Мінабароны хлусіць.