У Варшаве праходзіць жывы эфір з ключавой грамадска-палітычнай падзеі года для беларусаў. Удзел у мерапрыемстве бяруць прадстаўнікі дэмакратычных сілаў, грамадзянскай супольнасці, дыяспары, а таксама эксперты, журналісты і актывісты з усяго свету. У час уік-энда ўдзельнікі будуць падсумоўваць вынікі пяці гадоў барацьбы з рэжымам Лукашэнкі. Асноўная ўвага будзе нададзена пошуку практычных рашэнняў праблемаў і адказам на вострыя пытанні, якія назапасіліся за гэты час. У праграме першага дня запланаваны панэльныя абмеркаванні, дэбаты і прэзентацыя навуковых даследаванняў.