Гурт Krambambula выступіць хэдлайнерам другога дня беларускага фестываля TUTAKA, які пройдзе з 11 па 13 ліпеня на Беласточчыне, у 20 км ад мяжы з Беларуссю. Фестываль уключае 25 канцэртаў, спектаклі, лекцыі, дыскусіі, майстар-класы, выставы, а таксама актыўнасці для дзяцей. У праграме таксама будуць фудкорт і кірмаш рамеснікаў. Сяргей Ціханоўскі таксама наведае "Тутаку". Галоўны канцэрт вечара ўключае выступы гуртоў Spievy z-pad mosta, ili-ili, Dzieciuki і Krambambula. Расклад канцэртаў будзе вызначаны па беларускім часе.