Ці можа і павінна беларуская мова стаць мовай большасці? Пасля лютага 2022 у рэгіёне абвастрылася праблема нацыянальнай ідэнтычнасці. Выбух цікавасці да свайго таксама не абышоў і беларусаў, якія пачалі больш актыўна заяўляць і асэнсоўваць сябе ў тым ліку праз мову. Але наколькі гэта доўгатэрмінова? Ці могуць беларусы зрабіць беларускую мову мовай большасці? Ці мы мусім імкнуцца да гэтай мэты? Ці ёсць шанец дамагчыся гэтага без дзяржавы? Што можна стварыць у замежжы? Цэнтр новых ідэй разам з Прэс-клубам і Банкам ідэй працягваюць “Размовы пра будучыню” — серыю дыскусій з найлепшымі беларускімі і замежнымі экспертамі. Выступоўцы: 🎤 Аліна Коўшык, прадстаўніца па нацыянальным адраджэнні Аб’яднанага пераходнага кабінету, былая журналістка і грамадская актывістка. 🎤 Канстанцін Каверын, журналіст, вядучы шоў “Обычное утро”. Мадэратар: Алесь Ганчаронак, даследчык BEROC і кантрыб’ютар Цэнтра новых ідэй.