Цэнтр новых ідэй прадставіць штогадовае даследаванне-маніторынг, прысвечанае ўспрыманню Беларусі ў замежных СМІ ў 2025 годзе. Падчас прэзентацыі будуць абмеркаваны ключавыя тэмы і падзеі, якія ўплываюць на вобраз Беларусі ў міжнародных медыя. Асобная ўвага будзе нададзена змяненню ролі ўлады, грамадства і дэмакратычных сіл у медыя. Таксама будуць разгледжаны дамінуючыя наратывы ў розных краінах і трансфармацыя ўспрымання Беларусі ў міжнароднай прасторы. Даследаванне грунтуецца на аналізе 8694 публікацый з 37 медыякрыніц у 10 краінах і ўключае як ручны, так і аўтаматызаваны кантэнт-аналіз. Спікерка Дар’я Урбан, кіраўніца даследавання, а мадэратарка Наталля Белікава з беларускага Прэс-клуба. Прэзентацыя адбудзецца 13 траўня.