Разам з абмеркаваннем канцэпту будучых выбараў у Каардынацыйную раду ў шэрагах беларускіх дэмакратычных сілаў абвастрылася пытанне гендарных квотаў. Ці патрэбныя гендарныя квоты ў КР і ў дэмакратычнай Беларусі ўвогуле? Чаму менавіта гэтае пытанне стала такім актуальным? І ці ёсць адназначны адказ на яго? Якія аргументы прыводзяць процілеглыя бакі? ЦНІ ладзіць анлайн - дыскусію пра актуальнасць гендарных квотаў для беларускіх дэмакратычных сілаў. Дыскусія адбудзецца 13 лютага ў 18:00 па Варшаве! Будзе прадстаўлена тры пазіцыі: За квоты: ▪️ Таня Кавалёнак, каардынатарка зварота ў падтрымку гендарных квотаў, чаліня аргкамітэту партыі “Разам”, будзе прадстаўляць актывісцкую пазіцыю. ▪️ Лена Агарэлышава, гендарная даследчыца і ўдзельніца фем-групы Каардынацыйнай рады, прадставіць акадэмічнае бачанне. ▪️ Супраць квотаў выступае Леў Львоўскі, эканаміст, акадэмічны дырэктар BEROC. 📌 Мадэратарка дыскусіі — палітычная журналістка і аўтарка ЦНІ Таццяна Ашуркевіч. Аўдыторыя зможа задаваць пытанні спікерам і спікеркам.