Вельмі рэдка, але здараецца, што экранізацыя ня толькі не саступае першакрыніцы, а наогул падымае гісторыю, расказаную ў кнізе, на неверагодную вышыню. Вось так і атрымалася з фільмам “Узыходжанне” па аповесці Васіля Быкава “Сотнікаў”. Паставіла яго Ларыса Шэпіцька. Шостага студзеня гэтага года ёй бы споўнілася 87. А загінула яна ў свае сорак год падчас працы над новым фільмам. Вось што яна пісала : “… жаданне паставіць "Узыходжанне" было патрэбай амаль фізічнай. Калі бы я не зняла гэты фільм, гэта было бы для мяне крахам. Я не магла знайсці іншы матэрыял, з дапамогай якого здолела бы перадаць свае погляды на жыццё, на сэнс жыцця.” Музыку да кінастужкі напісаў Альфрэд Шнітке. #film #cinematography #belarus