Раніца Дня Волі 2025 у беларусаў Літвы пачалася з узняцця бел-чырвона-белага сцяга ля Сейму Літвы пад гімн БНР. Святлана Ціханоўская выступіла з святочнай прамовай, падзякаваўшы Літве за падтрымку. Віншаванні беларусам са святам прагучалі ад Юозаса Олекаса і Жыльвінаса Павілёніса, а таксама Анатоля Лябедзькі, які заклікаў да незалежнасці. Беларусы і літоўцы разам завязалі бчб-стужачкі на дрэвах на Алеі беларускай дэмакратыі. Падчас святочнага аўтапрабегу з літоўскімі і беларускімі сцягамі ўдзельнікі праехалі па вуліцах Вільні да могілак Росы. Тут яны ўшанавалі памяць Івана і Антона Луцкевічаў, Лявона Вітана-Дубейкаўскага, уклаўшы бчб-стужкі, кветкі і знічы. У капліцы, дзе перапахаваны паўстанцы 1863 года, прагучала малітва за Беларусь і песня "Магутны Божа".