Юрыстка-міжнародніца Кацярына Дзяйкала, экспертка Беларускага Хельсінкскага камітэта, абмяркоўвае актуальныя пытанні ў сферы міжнароднага права і беларускіх інтарэсаў у кантэксце перамоў па Украіне. У відэа разглядаецца, як павінна працаваць формула “Нічога пра Беларусь без Беларусі” і ці магчыма яе прымяненне ў цяперашняй сітуацыі. Дзяйкала таксама аналізуе, ці адпавядае нормам міжнароднага права тое, што беларускія інтарэсы будуць прадстаўляць на перамовах прадстаўнікі Расіі. Асобная ўвага надаецца звароту беларускіх дэмсіл да ўладаў Украіны адносна беларускіх камбатантаў. У відэа таксама абмяркоўваецца, калі можна чакаць пачатку перамоў паміж Мінскам і Токіа, а таксама пытанне аб тым, грамадзянін якой краіны можа стаць новым закладнікам лукашэнкаўскага рэжыму.