Дарадца Святланы Ціханоўскай па дыпламатычных пытаннях Дзяніс Кучынскі правёў сустрэчу з кіраўніцтвам новай Працоўнай групы па барацьбе з ксенафобіяй, якую ўзначальвае дарадца Прэм’ер-міністра Літвы Аляксандр Радчанка. На сустрэчы былі абмеркаваны важныя пытанні, якія закранаюць беларускую супольнасць у Літве, уключаючы легалізацыю і дакументы, такія як віды на жыхарства і палітычны прытулак. Таксама былі разгледжаны пытанні падтрымкі і інтэграцыі, адукацыі, рэгістрацыі беларускіх аўто і курсаў літоўскай мовы. Акцэнт быў зроблены на барацьбе з прапагандай і магчымых шляхах супрацоўніцтва Літвы з беларускімі дэмакратычнымі сіламі. Літоўскі бок выказаў гатоўнасць да далейшага дыялогу і пошуку рашэнняў.