Падчас акцыі, прысвечанай Сяргею Ціханоўскаму і іншым беларускім палітычным вязням, прагучалі прамовы Святланы Ціханоўскай і Паліны Шарэнды-Панасюк. Ілля Міронаў зачытаў перапіску з Сяргеем Ціханоўскім, а таксама яго верш, дасланы з-за кратаў. Былыя палітвязні Аляксей Кірэеў і Аляксандр Юруць таксама звярнуліся да ўдзельнікаў акцыі. Напрыканцы Наталля Калегава падзялілася сваім бачаннем, як беларусы могуць захаваць сваю нацыю і вызваліць краіну. Музыка Сяргей Космас выконваў вядомыя песні, якія натхняюць беларусаў у іх імкненні да волі.