Фільм кінастудыі «Беларусьфільм», зьняты ў 1967 годзе ды адноўлены ў 1989 годзе. Сцэнар фільму заснаваны на рамане Ўладзімера Караткевіча «Хрыстос прызямліўся ў Гародні». Толькі ў 1989 годзе фільм быў адноўлены й паказаны публічна. У старадаўнія часы голаду й татарскіх набегаў актор-сатырык Юрась Братчык зьяўляецца перад народам у абліччы Хрыста, і народ верыць у цуд. Гэтым вырашае скарыстацца хітры манах Басяцкі. Юрася ды яго сяброў — «апосталаў» арыштоўваюць па загадзе кардынала, грыміруюць, апранаюць у адпаведныя адзеньні й выводзяць да народа. Галодны люд пачынае маліць пра хлеб, і Юрась вядзе натоўп да засекаў багацеяў. Зьбегшы ад кардынала, Юрась зь сябрамі хаваецца ў жаночым кляштары. З дапамогай народу яны разьбіваюць і татараў, і войска кардынала.