23 студзеня Каардынацыйная рада Беларусі правядзе парламенцкія слуханні ў Варшаве, прысвечаныя адказнасці Аляксандра Лукашэнкі за злачынствы, учыненыя падчас яго кіравання. Слуханні маюць асаблівае значэнне на фоне выбараў прэзідэнта, запланаваных на студзень 2025 года, якія Лукашэнка плануе правесці неканстытуцыйным чынам. Мэта мерапрыемства — заклікаць міжнародную супольнасць не прызнаваць выбары, арганізаваныя рэжымам Лукашэнкі, і выкарыстоўваць міжнароднае правасуддзе для расследавання яго злачынстваў, уключаючы зварот у Міжнародны крымінальны суд. У праграме слуханняў будуць прадстаўлены даклады пра такія злачынствы, як генацыд, тэрарызм і захоп закладнікаў. Сярод выступоўцаў — юрысты і эксперты. Вынікам слуханняў стане Дэкларацыя з патрабаваннем прыцягнення Лукашэнкі да адказнасці, якая будзе накіраваная ў парламенты дэмакратычных краін і міжнародныя арганізацыі.