Фільм Жака Таці «Jour de fête» - «Святочны дзень» меў аглушальны поспех у гледачоў і стаў самым касавым фільмам у Францыі ў 1949 годзе. Ён атрымаў прэмію за “лепшы сцэнар” на Венецыянскім кінафестывале, а таксама - Вялікую прэмію французскага кіно за 1950 год. Творчасць Таці часта параўновалі з працамі Чапліна, і невыпадкова; яны абодва прыйшлі да кінематографа праз пантаміму ды мюзік-хол. Але мне падаецца, што героі Жака Таці больш падобны на Містэра Біна. Нездарма сам Роўэн Аткінсан прызнаваўся ў інтэрв'ю, што пры стварэнні "Містэра Біна" ён арыентаваўся на "спадара Юло" - асноўнага персанажа Жака Таці (з фільмаў “Вакацыі спадара Юло” ды “Мой дзядзечка”). #film #cinamatography #france