20 снежня ў Музеі Вольнай Беларусі адбыўся беларуска-польскі калядны вечар, арганізаваны Народным антыкрызісным упраўленнем. У мерапрыемстве прынялі ўдзел прадстаўнікі дэмакратычных сіл Беларусі, еўрапейскія партнёры, а таксама культурніцкія арганізацыі з Беларусі і Польшчы. Госці мелі магчымасць убачыць выставу гістарычных строяў ад Кацярыны Ваданосавай і паслухаць выступ беларуска-польскага дуэта Канстанціна Гарачага і Міхала Солтана. Асобным момантам вечара стала прэзентацыя першага каталога Музея Вольнай Беларусі, у які ўвайшлі 25 артэфактаў, звязаных з пратэстным рухам беларусаў і палітзняволенымі. Мерапрыемства прайшло ў творчай атмасферы, падкрэсліваючы культурную і гістарычную сувязь паміж Беларуссю і Польшчай.