Каманда НАУ падрыхтавала прапановы па пашырэнні санкцыйнага спісу ЕС, якія былі перададзены ў Еўрапейскую службу знешніх дзеянняў 11 кастрычніка. Пасля юрыдычнай экспертызы прапановы былі адобраны Саветам ЕС. У новы санкцыйны спіс увайшлі наступныя асобы: Вера Філонік, Ірына Прадун, Віталь Сініла, Вадзім Мазоль, Ніна Шастак, Ірына Майко, Васіль Бягун, Яўген Брэган, Аляксандр Махораў, Алеся Осіпава і Віктар Новік. Таксама пад санкцыі трапілі супрацоўнікі турмаў, адказныя за катаванні і бесчалавечнае абыходжанне з незаконна затрыманымі, сярод якіх Вадзім Мурашка, Сяргей Бярэйшык, Мікалай Мушкароў, Сяргей Петраковіч і Віктар Лутцаў. Каманда НАУ заяўляе аб намеры працягваць сваю працу па прыцягненню да адказнасці тых, хто здзяйсняе злачынствы супраць беларусаў.