Стояла дзевчына / Stojala dzevchyna" відэа кліп Музыка: Ірэна Катвіцкая і група WARSOBA Рэжысёр, аператар-пастаноўшчык: Барыс Сухадрэў 2-гі аператар: Ішай Фрэнкель Мантаж: AJ Дапамога ў сцэнары, мастак: Таня Тур Касцюмы: Юлія Чачуха Наша відэа на YouTube: https://youtu.be/isiU1DOpgh8 «Стояла дзевчына» гэта першы кліп на беларускай мове, зняты ў Ізраілі пры падтрымцы суполкі « Беларусы ў Ізраілі ». Прэм'ера адбылася пад час анлайн- канферэнцыі салідарнасці пры ўдзеле С.Ціханоўскай, П. Латушка, а таксама вядомых палітыкаў з еўрапейскіх краін. Сюжэт кліпа аб'ядноўвае жаданне падтрымаць жанчын Беларусі, раскрыць праз творчасць энергію мірнага пратэсту, паказаць свету жаночую сілу і прыгажосць. У баладзе Палесся «Стояла дзевчына» захаваны старажытны дыялект і аўтэнтычны напеў. Мы паказалі жывую культуру і традыцыі Беларусі, абрады ахоўчай магіі, якія нашы жанчыны здзяйсняюць і захоўваюць праз тысячагоддзі. Магутныя месцы сілы Ізраіля - горы, пустыня і вадаспады ствараюць пачуццё палёту і свабоды. Міжнародны праект "Стояла дзевчына / Stojala dzevchyna" аб'яднаў беларусаў, ізраільцян і дыяспары ўсяго свету. Хроніка акцый аб'ядноўвае 50 краін і паказвае маршы салідарнасьці з Беларусьсю і жанчын усяго свету, якія прымаюць боль і надзею сваіх беларускіх сябровак як сваю. Сімвал беларускага мірнага пратэсту Ніна Багінская блаславіла здымкі нашага кліпа і перадала ўсім слухачам словы ўпэўненасці ў нашай Перамозе! Барыс: "Па традыцыі, перад пачаткам здымак кліпа мы разбілі талерку з імёнамі ўсіх удзельнікаў. Надпіс "Жыве Беларусь"; не разбіўся і захаваўся цэлы. Сіла жаночых рытуалаў атрымалася гэткай магутнай, што па заканчэнні здымкаў у пустыні пайшоў дождж ". Ірэна: «Калі мы шукалі канцэпцыю і пісалі сцэнар, я ўзгадала пра старажытны абрад “Пахаванне стралы “. Часткай рытуальнага дзеяння з'яўляецца танец-шэсце, які захаваўся толькі ў адзіным рэгіёне Беларусі: жанчыны становяцца па шырыні вуліцы, бяруць адна адну пад рукі і рухаюцца наперад шчыльнымі шэрагамі. Гэта выглядае як счэпкі, такая ж форма адносін і падтрымкі, якая прайшла праз стагоддзі. Дзяўчаты выканалі гэты старажытны танец падчас здымкаў, каб паказаць сувязь пакаленняў. Хай хутчэй гэтая асацыяцыя застанецца ў мінулым!» Жыве Беларусь! паслухаць поўную версію песні "Стояла дзевчына / Stojala dzevchyna"; можна тут: https://open.spotify.com/track/5tjf72D7mMnO0VkmGre7kn або тут https://music.apple.com/us/album/razok/1478110484