Сябры, прапануем вам паглядзець запіс онлайн сустрэчы беларусаў ЗША з Аляксандрам Чарнухам, якая прайшла ў сьнежні 2023 у рамках праекта АБА "Літаратура і кАВА" Аляксандр Чарнуха – беларускі журналіст, пісьменьнік і YouTube-блогер, які ад 2021 года жыве і працуе ў Польшчы. Шмат год ён працаваў у беларускіх незалежных мэдыях, затрымліваўся на радзіме праз сваю працу і вымушаны быў зьехаць з краіны, каб выдаць свой дэбютны раман «Свінні». У ім апісваецца не толькі абсурд бюракратычнага апарату, уласьцівы ня толькі для Беларусі, але і шмат для якіх краін. Але і падзеі ў Беларусі падчас пратэстаў 2020 года. Кнігу можна ўспрымаць і як сатырычны твор, і як фіксацыю падзей у роднай краіне аўтара, хоць слова Беларусь і не згадваецца ў творы. Зараз раман «Свінні» існуе ў двух варыянтах па-расейску і па-беларуску. Беларускую вэрсію «Свіней» выдала адно з самых аўтарытэтных выдавецтваў «Янушкевіч», менавіта ў ім выйшлі беларускія пераклады «Гары Потэра» і твораў «Стывена Кінга». Раман «Свінні» зараз чытаюць у 39 краінах: ад ЗША і Велікабрытані да Новай Зеландыі і Бразыліі. Аўтар у мінулым годзе напісаў п'есу паводле свайго раману пад назвай «Свята кабана», яна была перакладзена на нямецкую мову і пастаўлена на сцэне тэатра Rampe у Штутгарце (Германія). Старонка, дзе можна замовіць раман «Свінні» https://pigsareok.com/ YouTube канал Аляксандра пра беларускую музыку «Міністэрства сепультуры» https://www.youtube.com/@minsepultury Каб мы маглі падзякаваць пісьменьнікам, якія будуць прыходзіць да нас на онлайн-сустрэчы "Літаратура і кАВА" , мы зрабілі збор "Культура і мова" і будзем удзячныя любым вашым ахвяраваньням https://www.paypal.com/donate/?campaign_id=9YQUWC7262G5J Каб сачыць за навінамі беларускай дыяспары ў ЗША, падпісвайцеся на сацсеткі АБА https://linktr.ee/aba.together