9 гадоў запар у канцы жніўня аматары футбола ў Круговічах Ганцавіцкага раёна Брэсцкай вобласці змагаюцца за Кубак "Ганцавіцкага часа". Прыязджаюць з розных гарадоў і краін ураджэнцы вёскі. Сярод іх дальнабойшчыкі, праграмісты, настаўнікі і адзін вучоны. Турнір традыцыйна праходзіць на свята Дзень вёскі 19 жніўня. Удзельнікі імкнуцца не прапусціць ніводнага турніру. Гуляюць футбалісты розных узростаў: у дадзеным выпадку самаму маладому футбалісту споўнілася толькі 15 гадоў, самаму ўзроставаму - 56. Калі глядзець на сярэдні ўзрост каманд, то ў «Юнацтве» гэта было 17 гадоў (гулялі хлопцы ад 16 да 19 гадоў), у «Маладосці» - 22 гады (гульцы ад 15 да 29 гадоў), і ў «Ветэранах» - 47 гадоў. (футбалісты ва ўзросце ад 39 да 56 гадоў). #футбол #турнир #гч #ганцавіцкі час #круговичи #беларусь