Віцебская міліцыя працягвае шукаць таго, хто 4 траўня ўзьняў бел-чырвона-белы сьцяг над будынкам інтэрнату мэдычнага ўнівэрсытэту. Дзеля гэтага 11 траўня ў інспэкцыю па справах непаўнагадовых Кастрычніцкага раёну Віцебску была выкліканая актывістка "Эўрапейскай Беларусі" Алена Семенчукова. Капітан міліцыі Валер Вашкель падчас гутаркі з актывісткай дапытваўся, што яна і яе непаўнагадовы брат Сяргей рабілі ля таго месца, дзе было вывешанае, паводле яго выразу, "бела-чырвонае палотнішча".