У Віцебску адбылася інфармацыйная сустрэча праваабарончага праекту "ГейБеларусь". З прычыны бясьпекі сустрэча адбывалася ў закрытым рэжыме. Але здымачнай групе парталу Dyjalog.info дазволілі ладзіць відэаздымкі - з умовай, што ў поле зроку відэакамэры ня трапяць тыя, хто хоча захаваць сваю анамнасьць. Таму ў відэарэпартажы пра мерапрыемства няма кадраў з удзелам шараговых удзельнікаў сустрэчы, якіх было нямала. Старшыня "ГейБеларусі" Сяргей Андросенка распавёў прысутным пра гісторыю ЛГБТ-супольнасьці ў Беларусі, якую ён узнальчавае, пра праблемы, зь якімі сутыкаюцца, і падзяліўся плянамі на будучыню. Сустрэча ў Віцебску адбылася ў межах мерапрыестваў, што праходзяць па ўсёй краіне. Гэтыя імпрэзы прымеркаваныя да даты 20 лістапада - дзень, прысьвечаны памяці трансгендараў у гонар забітых на глебе ксэнафобіі. У гэты дзень праваабарончыя, жаночыя і ЛГБТ-арганізацыі сьвету ладзяць дэманстрацыі, лекцыі, сэмінары і жалобныя шэсьці у памяць забітых на глебе ксэнафобіі.