На сустрэчы з прадстаўнікамі ФПБ (Федэрацыя прафсаюзаў Беларусі), кіравання спорту і турызму Гомельскага выканкаму трэнераў спартовай базы па веславанні на байдарках і каноэ чыноўнікі паабяцалі наўзамен старой базы пабудаваць новы, сучасны будынак. Гэтаму рашэнню папярэднічала гісторыя змагання трэнерскага складу, дзяцей – наведвальнікаў базы і іх бацькоў за захаванне спартовай базы. Напрыканцы сакавіка пасля візіту на базу мясцовага кіраўніцтва, чыноўнікі прынялі рашэнне базу, якая знаходзіцца ў аварыйным стане знесці. Гэта навіна выклікала абурэнне ў трэнераў, дзяцей і іх бацькоў, якія распачалі збор подпіс за захаванне базы, пісалі скаргі на гэта рашэнне, звярталіся да журналістаў. Навіна пра новую базу, з аднаго боку ўсцешыла жыхароў Петрыкава, а з другога боку, у людзей ёсць пэўны апасенні - ці стрымаюць чыноўнікі дадзенае імі абяцанне. Рэдакцыя сайта “Гомельская вясна” мае намер сачыць за сітуацыяй. Аўтар Ларыса Шчыракова Фота Васіль Грыгарэнка Гомельская вясна