Ужо паўгода кожную нядзелю жыхары Светлагорску і раёну выходзяць на цэнтральную плошчу гораду каб выказаць свой пратэст супраць шкодных выкідаў з заводу беленай цэлюлозы, які пачаў працаваць напрыканцы 2018 года. З гэтага часу экалогія ў Светлагорску пагоршылася, жыхары пастаянна адчуваюць смурод хімічных адкідаў з прадпрыемства, які выклікае ў іх кашаль, галаўны боль, ванітаванне, спазмы ў страўніку, пяршэнне ў горле, крывяцячэнне з носу. Сотні зваротаў, скаргаў, заяў у кіраўніцтву прадпрыемства, Міністэрства аховы навакольнага асяроддзя і аховы здароўя, Дзяржкантроль, Генеральную пракуратуру, Адміністрацыю прэзідэнта і суд не далі аніякага выніку і не палепшылі экалагічную сітуацыю ў горадзе. Адзінае выйсце, якое бачаць жыхары Светлагорску і раёну – грамадскі, вулічны пратэст. У гэту нядзелю да пратэстоўцаў далучыліся палітыкі Мікалай Статкевіч і Яўген Афнагель. Падрабязнасці ў матэрыяле карэспандэнткі сайта “Гомельская вясна” Ларысы Шчыраковай Відэа Ларыса Шчыракова Фота Васіль Грыгарэнка