42 – гадовая гамяльчанка Наталья Васіленка ў сваім відэазвароце, які я на змясціла ў Фэйсбуку, абвясціла пра намер здзейсніць самагубства на знак пратэсту супраць палітыкі ўлады ў дачыненні да яе. Яна мела намер выпіць вялікую дозу лекаў, але яе знаёмыя выклікалі міліцыю. З дапамогай супрацоўнікаў МНС супрацоўнікі міліцыі праніклі ў кватэру і перашкодзілі Натальі рэалізаваць свой намер самагубства. Сп. Васіленка патлумачыла, што на гэты адчайны крок яе падштурхнула жыццёвая сітуацыя. Жанчына тры гады таму перанесла інсульт, пасля якога ёй далі III групу інваліднасці. З – за шматлікіх супрацьпаказанняў па працы, Наталья Васіленка не можа ўладкавацца на працу. Штодня яна мусіць прымаць лекі каб падтрымаць здароў’я. Пасля неабходных выплатаў за арэнднае жыллё і мінімальныя лекі, у яе не застаецца грошаў на паўнавартаснае харчаванне і рэабілітацыю. У адказ на яе змаганне за свае правы, улады аказваюць на яе псіхалагічны ціск. Летась на сайце газеты “Савецкі раён” з’явіўся артыкул, дзе аўтар наўпрост назваў яе сімулянткай, абвінаваціў у нежаданні працаваць і параіў адмовіцца ад групы інваліднасці, каб знялі ўсе абмежаванні па працы. Некалькі месяцаў таму Натальі па яе просьбе знялі інваліднасць і спынілі выплаты. Цяпер яна не мае сродкаў да існавання. Падрабязнасці ў матэрыяле карэспандэнткі сайта “Гомельская вясна” Ларысы Шчыраковай Відэа аўтара Гомельская вясна