Надзея Куканос была затрыманая міліцыянтамі ў Віцебскім абласным судзе. На яе склалі два пратаколы: за дробнае хуліганства і непадпарадкаваньне законным патрабаваньням супрацоўнікаў аховы правапарадку. На думку міліцыянтаў, журналістка была п'яная, але экспэртыза не пацьвердзіла іх падазрэньні. Тым ня менш, судзьдзя суду Кастрычніцкага раёну Віцебску Алена Протас прызнала жанчыну вінаватай ў парушэньні двух артыкулаў адміністрацыйнага кодэксу і пакарала яе штрафам у памеры 3 мільёнаў рублёў. Надзея Куканос не пагадзілася з рашэньнем суду і абскардзіла яго. Віцебскім абласным судом рашэньне судзьдзі Протас было адмененая і вернутае ў Кастрычніцкі райсуд на новы разгляд іншым судзьдзёй.