Мікола Статкевіч: Мы выкарыстоўваем выбарчую працэдуру напоўніцу. Рэпартаж з пікету па збору подпісаў у Калінкавічах Пікет прэтэндэнткі на кандыдацтва Тамары Зайцавай у Калінкавічах прайшоў з удзелам старшыні Беларускага нацыянальнага кангрэса Міколы Статкевіча. Палітык лічыць, што этап збору подпісаў варта выкарыстоўваць для таго, каб данесці свае думкі да грамадскасці і згуртаваць яе. Тамара Зайцава ўжо некалькі гадоў змагаецца з карупцыяй у міліцыі і іншых сілавых структурах Калінкавічаў. Менавіта, каб пакласці канец уседазволенасці беспакаранасці праваахоўнікаў, яна і ідзе на парламенцкія выбары. Жыхары Калінкавічаў падыходзілі да пікетоўцаў даволі актыўна, выказвалі тыя праблемы, якія на іх погляд павінны вырашацца заканадаўчай уладай. Сярод тых, хто прысутнічаў на пікеце, быў і сябра Аб’яднанай грамадзянскай партыі Аляксандр Елісееў. Ён сваёй партыяй быў вылучаны ў склад акруговай выбарчай камісіі, але прадказальна, улады яго туды не ўключылі. Ён, як выбаршчык, спрабуе патрапіць на кожнае з чатырох паседжанняў камісіі, але туды яго не дапускаюць. Падрабязнасці ў відэа “Гомельскай вясны” Аўтар Андрэй Мядзведзеў Відэа Ларыса Шчыракова