У Гомлі напярэдадні Дзядоў адбылася інфармацыйна – музычная сустрэча, прысвечаная расстраляным святарам Гомельшчыны. На ёй выступілі бард і рок музыкі Гомля. Падчас сустрэчы адбылася прэм’ера песні гомельскага фолк – музыкі Ягора Палешука на верш растралянай у 1938 годзе паэткі Валянціны Казлоўскай. Прысутныя заспявалі яе разам. Гэта песня была напісана паэткай у 1926 годзе ў памяць аб памерлай заўчасна сяброўцы, але яна апынулася прароцкай і для самой паэткі. Краязнаўца Андрэй Ананьеў распавёў прысутным пра рэлігійную сітуацыю 1917 – 1940 год на Гомельшчыне, зачытаў імёны расстраляных святароў, працытаваў вытрымкі з іх крымінальных спраў. Расстраляных у жніўні 1937 года святароў (18 чалавек) вінавацілі ў стварэнні падпольнай фашыстоўскай арганізацыі. На імпрэзе гучала гаворка пра тое, што грамадскасць дагэтуль не ведае дзе пахаваны гэтыя людзі і куды панесці кветкі. Прысутныя шмат казалі пра неабходнасць ушаноўваць памяць гэтых бязвінна расстраляных людзей. На вечарыне пабывала карэспандэнтка сайта «Гомельская вясна» Ларыса Шчыракова Фота і відэа аўтара Гомельская вясна