Я мусеў так паступіць, бо ўлады адмаўляюць у правядзенні імірных сходаў Суддзя Святаслаў Каліна 30 красавіка прыцягнуў грамадзкага актывіста Алеся Абляка да адміністратыўнай адказнасці. Нагадаем, 14 красавіка Алесь ачоліў калону праціўнікаў Завода АКБ. Тады, у сувязі са шматлікімі затрыманнямі напярэдадні акцыі грамадзкіх актывістаў, пратэстуючыя, між іншым дзеля падтрымкі затрыманых, уголас пачалі пратэставаць супраць завода: “Не заводу АКБ”. Па заканчэнні акцыі Алесь і яшчэ некалькі актывістаў былі затрыманыя людзмі ў цывільным і правялі суткі пад арыштам да суда. 15 красавіка ў будынку Ленінскага РАУС прайшоў выяздны суд над затрыманымі. Абляк запатрабаваў азнаеміцца з матэрыяламі справы. Суд перанеслі на 25-е. А 25-га суд ізноў перанеслі, гэтым разам на 30 красавіка. На пачатку суда Алесь Абляк выказаў недавер судовай сістэме, але адводу суддзе не даў. Суддзя Святаслаў Каліна адхіліў адвод судовай сістэме. Алесь заявіў хадайніцтва не рабіць цырку, а зачытаць пастанову адразу. Суддзя таксама адмовіў, але хадайніцьва весці працэс ра-беларуску было ім задаволена. Грамадзкі актывіст патлумачыў суду, што праціўнікам будовы завода АКБ адмоўлена ў правядзенні больш чым 120 мерапрыемстваў. Мірны сход гарантаваны грамадзянам Беларусі Канстытуцыяй, а ён мае права выказваць сваё мяркаванне... Сведкі з боку міліцыі маёр Аляксандар Буката і Аляксей Федарэнка патлумачылі суду, што 14 красавіка яны ахоўвалі грамадзкі парадак. Там грамадзяне выказвалі сваю пазіцыю адносна будовы завода. На плошчы быў Абляк з мегафонам, таксама выказваў сваю нязгоду. Звярнуўся да прысутных прайсцісь па вуліцах... Ішлі па Пушкінскай і Савецкай. На савецкай быў затрыманы... “Я мусеў так паступіць, - сказаў Алесь у заключным слове: Бо ўлады адмаўляюць у правядзенні імірных сходаў, больш за 120 заявак білі імі адхілены”. Суддзя Станіслаў Каліна пастановіў прызнаць грамадзкага актывіста вінаватым ў парушэнні Закона “Аб масавых мерапрыемствах...” і пакараць адміністратыўным штрафам у памеры 25 базавых велічынь, або 637 рублёў 50 капеек паводле ч.3 арт. 23.34 КаАП. ++++++++++++++++++++++++++++++++++++ Iнтэрнэт крама беларусскага адзення i сувенiрау www.kniaz.by Не iнэрнэт крама знаходзiцца па адрасу: Брэст, вул. Савецкая, 55 +++++++++++++++++++++++ 💗 Likecoin – криптовалюта за лайки: https://likecoin.pro/@narreporter/gzz...