Марына Кабадарян ад імя камерцыйнага праекта “Акадэмія моды Марыны Кабадаран” прэзентавала ў Гомлі свой сацыяльны праект для анкапацыентаў “Фэшн тэрапія. Жыццё наноў”. Раз на тыдзень (3 гадзіны) у межах трохмесяцовага курсу жанчыны будуць вывучаць фотапазіраванне, акторскае майстэрства, візаж, дэфіле, і канешне атрымаюць псіхалагічную дапамогу ад кваліфікаванага спецыяліста. На думку арганізатаркі гэты фармат дазволіць жанчынам, якія перамаглі рак хутчэй прайсці перыяд рэабілітацыі. “Акадэмія моды Марыі Кабадарян”, не гледзячы на тое, што існуе толькі год, ужо сябе добра зарэкамендавала і мае ўжо некалькі групаў выпускнікоў. На прэзентацыі праекта”Фэшн тэрапія. Жыццё нано” яны паказалі навыкі дэфіле. Праект Марыны Кабадаран рэалізоўваецца ў межах навучання ў Школе сацыяльнага прадпрымальніцтва, якая ўжо некалькі год існуе ў Гомле, дзе гамельчукі, якія маюць паспяховыя бізнес праекты, становяцца і сацыяльнымі прадпрымальнікамі, калі разам з камерцыйным складнікам рэалізуюць і грамадскі, сацыяльны складнік. Аўтар Ларыса Шчыракова Фота і відэа аўтара Гомельская вясна