Каля 40 чалавек сабраліся ў цэнтры Гомля каб выказаць сваю салідарнасць і падтрымку затрыманаму і змешчанаму ў ІЧУ блогера Сяргея Ціханоўскага. Былі людзі са Жлобіну, Чачэрску, Рэчыцы і нават з Берасця. Частка людзей некалькі гадзінаў перад акцыяй знаходзіліся ля будынку ІЧУ, дзе ўтрымліваюць блогера. Акцыя доўжылася 45 хвілінаў. Калі калона пайшла па праспекту Леніна, іх суправаджалі міліцыянты з мегафонам, якія казалі ўдзельнікам пра, нібыта, незаконнасць удзелу ў акцыі. Перад скрыжаваннем вуліц праспект Леніна і Кірава супрацоўнікі АМАПу пачалі хапаць удзельнікаў акцыі і запіхваць іх у спецтраспарт. Былі затрыманы каля 25 чалавек, у тым ліку журналісты «Камсамольскай праўды» і «тут.бай». У РАУСе Цэнтральнага раёну на ўдзельнікаў акцыі складалі пратаколы аб адміністратыўным правапарушэнні па арт. 23.34 КоАп РБ «удзел у незаконным масавым мерапрыемстве». Заўтра іх чакаюць суды. Аўтар Ларыса Шчыракова Гомельская вясна