У Гомлі знялі кліп на песню, прысвечаную расстрэлам святароў у 30 – е і 40 – е гд. мінулага стагоддзя (відэа) Кліп на песню гомельскага рок – музыкі V.K.неДэЗы «Страшны лес» знялі актывісты грамадскай кампаніі дзеля ўшанавання ахвяраў сталінскіх рэпрэсій на Гомельшчыне «Забітыя і забытыя» на месцы масавых расстрэлаў за Навабеліцай у Бутулінскім лесе. «Мая песня напісана да канкрэтнай трагічнай даты 1 лістапада 1937 годзе. – Каментуе музыка. – Менавіта ў гэты дзень пад Гомлем былі расстраляны святары праваслаўныя і каталіцкія, разам з прыхаджанамі, агулам каля 300 чалавек. Мяне гэта факт канешне вельмі эмацыйна ўзрушыў і кранае дагэтуль, бо нашыя мясцовыя ўлады імкнуцца замоўчваць факты масавых рэпрэсій савецкіх грамадзянаў». У кліпе выкарыстаны кадры з рэканструкцыі расстрэлаў актывістамі кампаніі “Забітыя і забытыя№ ў Бутулінскім лесе. «Такім чынам мы імкнемся прыцягнуць увагу як чыноўнікаў, так і грамадскасці да праблемы не ўшанавання ахвяраў камуністычных рэпрэсій і месцаў масавых пахаванняў. – Кажа каардынатарка кампаніі «Забітыя і забытыя» Ларыса Шчыракова. – У адказ на нашыя шматлікія звароты да чыноўнікаў пра неабходнасць ушанаваць ахвяраў сталінскіх рэпрэсій, мы атрымліваем стабільна пустыя адпіскі. Каб скрануць справу ўвекавечання з мёртвай кропкі патрэбна больш шырокая грамадская кампанія, каб ціснуць на чыноўнікаў». Грамадская кампанія «Забітыя і забытыя» узнікла ў Гомлі напрыканцы 2019 года. Мае на мэце збор інфармацыі пра рэспрэсіі, пошук сваякоў рэпрэсаваных, ушанаванне бязвінных ахвяраў рэпрэсій міжваеннага перыяду на Гомельшчыне. Аўтар Ганна Кавальчук Відэа Ларыса Шчыракова Фота Сяргей Лысенка Гомельская вясна