Суддзя суду Цэнтральнага раёны Сяргей Салоўскі пакараў журналістаў – фрылансераў Ларысу Шчыракову і Андрэя Толчына штрафам 945 рублёў кожнаму за апытанне студэнтаў ГДУ наконт мэтазгоднасці ўвядзення каранціну (арт. 22.9 КоАп РБ). Сюжэт быў паказаны па тэлеканалу «Белсат». Журналістаў абвінавацілі ў супрацы з замежным СМІ без акрэдытацыі і ў нібыта «незаконным вырабе і распаўсюдзе» прадукцыі СМІ. У суд прыйшлі гамельчукі каб падтрымаць журналістаў і выказаць з імі сваю салідарансць. Сёлета гэта ўжо другі суд для журналісткі Ларысы Шчыраковай. Гэты ж суддзя 13 красавіка бягучага году ужо караў журналістку штрафам (945 рублёў). Аўтар Ганна Кавальчук Фота Гомельская вясна