Гамельчукі і прыезджыя з вобласці стаялі некалькі гадзінаў у вялізарнай чарзе ля ўнівермагу «Гомель» каб падпісацца за кандыдата пратэсту Святлану Ціханоўскую, жонку вядомага блогера Сяргея Ціханоўскага, якога напярэдадні падчас пікету ў выніку правакацыі з боку міліцыі затрымалі ў Гародні. Цяпер супраць яго ўзбуджана крымінальная справа за «гвалт у дачыненні да супрацоўніка міліцыі». Пікет доўжыўся з 12.00 да 18.00. Праз паўгадзіны пасля пачатку пікету з’явіліся міліцыянты па пачалі папярэджваць людзей, што яны праводзяць нібыта мітынг, а за гэта прадугледжана адміністратыўная адказнасць. У адказ людзі пляскалі ў далоні, свісцелі і крычалі «ганьба». Апроч пікету за вылучэнне ў кандыдаты на пасаду прэзідэнта былі пікеты патэнцыйных кандыдатаў – Андрэя Дзмітрыева, Валерыя Цепкалы, Віктара Бабарыкі. На перадвыбарчым пікеце па зборы подпісаў пабывала карэспандэнтка сайта «Гомельская вясна» Ларыса Шчыракова Фота і відэа аўтара Гомельская вясна