Гамяльчанка Алена Давыдава абвінавачваецца ў непадпарадкаванні ды абразе супрацоўнікаў міліцыі і ў неяўцы ў орган, які вядзе адміністратыўны працэс. Нагадаем, раніцою 3 ліпеня (напярэдадні акцыі “3%”) недалёка ад сваёй хаты яна была затрымана 5 супрацоўнікамі Навабеліцкага АУС і дастаўлена ў аддзяленне, дзе без складання аніякіх пратаколаў утрымлівалася 12 гадзінаў. Увесь гэты час сп. Алена стаяла, адмаўлялася ад вады і ежы на знак пратэсту супраць, на яе думку, беспадстаўнага затрымання і гвалтоўнага ўтрымлівання ў міліцыі. Праз некалькі дзён яна атрымала пратаколы аб адміністратыўным правапарушэнні. Падрабязнасці справы ў каментары Алены Давыдавай Аўтар Ларыса Шчыракова Фота і відэа аўтара Гомельская вясна (https://gomelspring.org/be/news/8193)